2. Isertitat suuppat?

Isertitat tassaapput ukiup ingerlanerani inuup imaluunniit ilaqutariit aningaasat imaluunniit pissarsiaasa nalingi, ukiup siuliani pigisanit appasinnerunngitsut.

 

Isertitanut paasissutissat Akileraartarnermit Aqutsisoqarfimmit, kommuninit aamma Namminersorlutik Oqartussat Ilinniagaqarnersiuteqartitsivianeersuupput.

 

Naatsorsueqqissaartarfiup isertitanut paasissutissaasiviani isertitat ima immikkoortiterneqarput:

·         Isertitat katillugit

·         Isertitat akileraarutaasussat

·         Isertitat atoriaannaat

Isertitat katillugit tassaapput isertitat tamarmiusut – inuup ukiumut isertitai akileraarutaasussaanngitsut aamma akileraarutaasussat. Isertitat katinnerinut uku ilaapput:

·         Inuussutissarsiutinit isertitat

·         Pisortaqarfinnit isertitat ikiorsiissutit

·         Tjenestemandspensionit, ATP aamma utoqqalinersiat namminersortunit

·         Pigisanit nalilinnit isertitat

Inuussutissarsiutinit isertitat tassaapput namminersortunit aningaasarsiat, sinneqartoorutit akissarsiarititat allarpassuillu. Pisortaqarfinnit akiliutigineqartut isertitanut ilaapput utoqqalinersiassat, suliffeerunnermut ikiorsiissutit pisortaqarfinnillu isertitat allat. Pisortaqarfinnit ikiorsiissutit isertitat akileraarutaasussaapput aamma ikiorsiissutaapput akileraarutaasussaanngitsut. Pigisanit nalilinnit isertitat tassaapput erniat aamma pigisanit nalilinnit iluanaarutit allat.

Isertitat akileraarutaasussat tassaapput aningaasarsiaviit nunatta karsianut aamma kommuninut isertitanut naatsorsuutinut ilaasut. Isertitat akileraarutaasussat isertitat ilanngaatissat ilanngaatigereerlugit akileraarutaasussat katinneraat. Ilanngaatissat nalinginnaanerpaat ukuupput:

·         Inummut ilanngaat, ilanngaat nalinginnaasoq aamma B-isertitanut ilanngaat.

·         Akileraaruteqaataasussanut ilanngaatit ass. suliaqarfiit kattuffiannut akiliinernut, ernianut akiligassat il.il.

·         Namminerisamik utoqqalinersiassanut akiliisarnerit (Kalaallit Nunaanniittunut)

Malugiuk 2020-mi pilersinneqartoq sulinermut ilanngaat isertitanut akileraarutaasussanut ilanngaatitut ilanngunneqanngimmat. Akileraarpallaarsimanermi akiliutinut sulinermut ilanngaat ilanngunneqartarpoq. Sulinermulli ilanngaatit iluanaarutissanut ilanngunenarneq ajorput. Sulinermut ilanngaat pillugu paasissutissat annertunerusut saqqummersitap naalernerani periaatsinut tunngasuni atuarneqarsinnaapput.

 

Isertitat atoriaannaat tassaapput, inuup ernianik akileereerluni aamma akilersuutinut akiligassat akilereernerini isertitai atoriaannaat. Inuit akilersuutinik akiligassallit akiliisussaatitaapput pinngitsooratik, taakkununngalu aningaasat atorneqartut inummut atoriaannaasinnaanatik. Kisianni isertitat atoriaannaat a-kassemit, suliaqarfiit kattuffiinit, angalanernit aamma akileraarutaasussanut ilanngaatinit, taakku inuup nammineq annerusumik minnerusumilluunniit aalajangersinnaammagu taakkununnga aningaasartuutigisassani. Isertitanut atoriaannarnut sulinermut ilanngaat ilaatigut ilanngunneqartarpoq.

 

Taaguutinut isertitanut tunngasunut nassuiaatit kapitali 7-imi immikkoortumi 7.8-mi atuarneqarsinnaapput.